Никола Мантов (1952 г.) беше фудбалер на ФК “Осогово“. На 1 јули 1973 година, во 10-та минута од првото полувреме на средбата во Кочани со “ФАС 11 Октомври“ - Скопје, при резултат 1:0 за домаќините, како последица од срцев удар, на теренот како покосен падна 23-годишниот фудбалер на “Осогово“. Младиот играч, студент на втора година на Машинскиот факултет во Битола, веднаш беше префрлен во болницата во Кочани, но лекарите можеле само да ја констатираат смртта. Главниот судија Ратко Ѓорѓиоски од Прилеп веднаш го прекина натпреварот, а присутните 2.000 гледачи по соопштувањето на жалната вест, со насолзени очи го напуштија стадионот. Во својата кратка фудбалска кариера Мантов одигра 59 првенствени и уште толку куп натпревари, играјќи на позициите лев бек и лево крило. Постигна повеќе голови, а за целиот период на активно играње фудбал доби само еден жолт картон. Во знак на сеќавање на овој играч, стадионот го доби неговото име и тоа е единствениот стадион во Македонија кој воопшто носи име на еден фудбалер.
