КК Деликатес Кочани - КК Годел Работнички - 1993 година

Снимка од финалниот меч на првиот кошаркарски Куп на Македонија меѓу Деликатес Кочани и Годел Работнички што се одигра на 28 февруари 1993 година во Кочани.

Натпреварот заврши со резултат 84:106 за гостите од Скопје, со што Годел Работнички стана првата екипа која го освои Купот по независноста на Македонија. Пехарот што го обезбеди весникот „Вечер“ прв го подигна кочанецот Јорданчо Давитков, кој играше за Годел Работнички.

За најдобар играч во финалето беше прогласен Бонер Апшоу (Bonner C. Upshaw III) од Детроит, кој играше за Деликатес, а беше воопшто првиот американски кошаркар ангажиран во еден македонски клуб. (http://uspbl.com/wp-content/uploads/2023/02/Trion-Bonner-Upshaw-III-bio-2023.pdf)

Претходно во полуфиналето, што се одигра еден ден порано, Деликатес Кочани го победи МЗТ.

Клубот од Кочани во наредната 1994 повторно беше полуфиналист, а успеа да го освои Купот во 1995 година, кога во финалето го победи МЗТ Хепос.